Em Hennaschdall senn d'Henna denna, dr Goggeler isch hussa.
Abbr seine Henna denna sagad, er isch dussa.
Gohd er nei, no isch'r denna, ond er sechd: "Jeddz ben e henna."
Ond frogd no seine Henna: "Senn au älle Henna henna?"
Dass älle Henna Henna senn, isch jo glar, es senn jo koine Goissa.
Dr Goggeler will bloß wissa, ob älle Henna em Hennaschdall henna,
also hennane Henna senn.
Em Gegasaddz zo dussane Henna, wo nedd henna senn.
Goggeler, wo denna senn, senn, von de Henna, wo denna senn aus gseha, au henna.
Se bleibad abbr Goggeler, so wia wenn se dussa wärad.
Grad so isch's bei Henna, wo henna send: wenn dia nausgangad, no bleibad se Henna,
send abbr senn nemme henna, weil se jeddz dussa senn.
Ond wenn so an Goggeler nausgohd, no isch er dussa für dia Henna,
wo denna senn, abbr hussa für dia Henna, wo dussa senn.
Ond je nochdem, ob er denna isch odr dussa, senn für ihn d´Henna henna odr denna, odr dussa odr hussa.
Abbr des Gschäfd, wo er midd dene machd, des hodd’r hussa, egal, ob denna odr dussa.
schwäbisch schwätza
21:47 - Zwoi noch dreiviertl Zehne