Schwäbischer Schimpfomat

Birschle, Du kommsch mir grad gschliffa! Emmr do sei wella, wo scho gschaffd, abbr no net gessa isch! Als Zuaguggr isch Dir koi Arbad zviel, morgens d’Hos aziaga isch fir Di scho gnuag gschaffd, abbr ohne mi, Dir dabb’e jetz granadamäßig en Arsch.

Böse Beschimpfung
wörtl.: Bürschchen, Du kommst mir gerade recht! Immer dort sein wollen, wo man schon gearbeitet, aber noch nicht gegegessen hat! Als Zuschauer ist Dir keine Arbeit zu viel, morgens die Hose anzuziehen ist für Dich genug Arbeit ..

Dei Romgegosche machd me greiznarrad, so Bachl wia Di hodd mr friahr bis zom Hals eigraba ond was rausguggt hodd, des hodd mr oifach wegdabbd. Wenn de so weidrmachsch, no häng i dir ’s Kreiz aus, dass De dein Arsch en dr Schling hoimdraga kosch!

Böse Beschimpfung
wörtl.: Dein Gemecker macht mich wütend, so Deppen wie Dich hat man früher bis zum Hals eingebuddelt und was dann noch herausgeschaut hat, hat man einfach weggetreten. Wenn Du so weitermachst, dann hänge ich Dir das Kreuz aus ...

Des gohd doch uff koi Kuahhaud net! Was Du sagsch isch doch vrschdunga ond vrloga. Wenn d’net glei Dei saudomme Gosch hälsch, no schlag I dr d’Läuf ab, daß de uff de Schdomba hoimquaddla muasch. Hau bloß ab Du waidagedr Waidag.

Böse Beschimpfung
wörtl.: Das geht doch auf keine Kuhhaut! Das ist doch erstunken und erlogen! Wenn Du nicht gleich still bist, dann haue ich Dir die Beine ab, dass Du auf den Stümpfen heimkriechen musst!

Dia jonge Leit kosch doch älle de Hasa gäba, koin Arsch en dr Hos, abbr dauernd uff am Eibreddle romdalga ond saudomme Sacha in d’Welt setza. Dia henn doch älle Scheißdregg uff de Glotzbebbl ond sehad aus als häd mr se beim Beddamacha gfunda

Böse Beschimpfung
wörtl.: Die jungen Leute kannst Du vergessen, keine Eier in der Hose, aber dauernd auf einem Smartphone herumspielen und blöde Dinge in die Welt setzen. Die haben doch alle Scheiße auf den Augen ..

Du bisch an rechdr Bräschdlengsheiflr, emmr mit de grosse Hond soicha wella, abbr d’Schenkl net nuffbringa, emmr vornadra sei wella, abbr nix uff d’Ladd griaga, emmr bloß sündafirchda wia da greeschde Glufamichel, sag hald endlich gix oddr gax.

Böse Beschimpfung
wörtl.: Du bist ein rechter Erdbeer-Aufstapler, immer mit den großen Hunden mitpinkeln wollen, aber den Schenkel nicht hochbringen, immer vorne darn sein wollen, aber nichts geregelt bekommen, immer Schiss haben wie ein Angsthase

Du elendr Heilandzack, Du liadrichr, i schlag dr glei so uff Dei Kappadach, dass de aus de Ribba guggsch, wia an Aff em Käfig ond da Reschd schlage en da Boda nei, dass de dr Herrgott mit dr Beißzang widdr rausziaga muaß!

Böse Beschimpfung
wörtl.: Du verdammter Blödmann, ich haue Dir gleich auf deinen Kopf, dass Du aus den Rippen schaust, wie ein Affe im Käfig und den Rest ramme ich in den Boden, dass Dich Gott mit der Beisszange entfernen muss!

Ha Du bisch doch a segglbleeds Arschloch, a krommbohrds. Di ko mr abbr au nix alloi do lassa, ällas machsch vrkehrd! I kennd Dr grad an Grend noschlaga, dass ab soford nach henda gloddschd. Hau bloß ab Du Dagdiab, Du Heilandzack, Du bleedr!

Böse Beschimpfung
wörtl.: Du bist doch ein Riesenblödmann! Dich kann man nichts alleine machen lassen, alles machst Du verkehrt! Am liebsten würde ich Dir so an Kopf hauen, dass Du ab sofort nach hinten schaust! Hau bloß ab, Du Tagdieb!

Ja sabberlod, kennad Sia Ihrn Scheißkarra, Ihrn vrsoichda, vrschissana net an an andera Blatz nastella, Sia Lällabäbbl, Sia bleedr - Greizdonndrweddr aber au! Jedn Dag dia gleich Kuglfuhr vor meinera Karasch, do kennsch grad uff dr Sau naus!

Böse Beschimpfung
wörtl.: Ja verflucht, können Sie ihr gottverdammtes Auto nicht woanders parken, Sie Blödmann - Jeden Tag dieselbe Scheiße vor meiner Garage, ich könnte glatt verrückt werden!

Wenn’e gugg, wia Du schaffsch, no gangad mir älle Schuahbändl uff. Dauernd schwätzsch mr Griebaschmalz oms Maul ond dengsch, I sieh net, wia Du schaffsch! Pfeiffadeggl, I sieh ällas ond glei fährd a siadichs Donndrwäddr uff De nei.

Böse Beschimpfung
wörtl.: Ich ich sehe, wie Du arbeitest, dann gehen mir alle Schnürsenkel auf! Dauernd willst Du Dich bei mir einschleimen und glaubst, ich sehe das nicht! Aber ich sehe alles und gleich kracht es!