Schwaben-Witze

Abendessen

Ein Mann trifft seinen Kumpel, der völlig fertig aussieht. "Was ischn'n los mit Dir? - "Mei Mutter isch dod!" - "Ha des duad mr abbr loid! Sia war doch emmr so gesond, was isch'n bassierd?"

"Sia wolld geschdrn zom Obadessa Brodkardoffla macha ond beim Grombira hola isch se d'Kellrtrepp nakhageld, hod sich bees iebrschlaga onds Gnagg brocha. Ällas war vollr Bluad...!"

"Ja om Goddes Willa, was hennr no gmachd?"

"Greeschde Spätzla!"

Ablasshandel

Auf einem schwäbischen Dorf ist der neue Kaplan dabei, die Beichte abzunehmen. Ein Bauer bekennt, dass er ein Reh gewildert hat. Auf solche Sünden ist der Kaplan noch nicht eingestellt und bittet deshalb den Sünder, einen Augenblick zu warten.

Schnell eilt er zum Pfarrer in die Sakristei. "Pfarrer, do isch oinr em Beichdschduhl, der hodd a Reh gwilderd. Was soll i denn deam gäba?"

Der Pfarrer überlegt nicht lange: "Uff koin Fall meh wia sieba Eiro fir’s Kilo!"

Abstammung

"Sag amol Vaddr, schdammad mir wirklich vom Affa ab?" - "Du vielleichd, i net!"

Alkoholprobleme

"I ko nix finda, i woiß net was Ihne fähld! Abbr i denk, s’liegd wohl am Saufa!" - "Na guad, Herr Doggdr, no komme nommel, wenn sia katzanichdern senn!"

Altbacken

"Den aldbachana Wegga do kannsch selbr fressa! I will oin von heid!" - "No muasch hald morga nommel komma!"

Alter

"Send Sia grad eigschdiega?" fragt ein Kontrolleur einen weiblichen Fahrgast. "Freile, oddr moinad sia vielleichd, i sei en dem Waga do uff d’Weld komma?" - "Awa! So alde Kärra henn mir gar net!"

Alternativen

"Willsch Wassr oddr a Bier?" - "Ja ben I dreggad oddr han I an Durschd?"

Altersvorteil

"Babba, Du hosch abbr dreggade Knia!" - "Ha Kerle, I ben jo au vierzg Johr äldr wia Du!"

Am Himmelstor

Ein Busfahrer und ein Pfarrer klopfen ans Himmelstor. Der Busfahrer wird aufgenommen, der Pfarrer aber muss in die Hölle.

Entsetzt schreit der Pfarrer: "Jetz hann jeden Sonndich so schee fir d’Leit bredigd ond jetz komme en d’Hell, abbr der do kommd en Hemml! Also I vrschdands net!"

Petrus erklärt ihm: "Des isch doch ganz oifach! Emmr wenn du bredigd hosch, senn älle eigschlofa, abbr emmr wenn der Bus gfahra isch, henn älle zom beda ogfanga!"

Ampel

"Du sag amol Karle, warom schdohd’n dr Hannes schdondalang vor dera Ambl?" – "Ha woisch, dr Dogdr hodd'm Rodlichd vrordned!"