Schwaben-Witze

Dummheiten machen

Ein älteres schwäbische Ehepaar steht zu später Abendstunde auf dem Balkon. Sie beobachten wie der Nachbarsjunge unten im Gebüsch ein Mädchen anmacht. Sagt die Frau: "Gugg amol, dr Eigen, so a näddr Kerle. Wenn der bloß koine Dommheida machd. Karle, pfeif'm doch amol." Brummt der Karle: "Des fälld mir net em Draum ai, bei mir hodd au koinr pfiffa!"

EBike

"Ja sag amol, Paule, wie gohds denn midd Deim neia Ibaik?" - "Seggl, des gohd net, des fährd!" - "Na guad, wia fährd's sich denn?" - "S'gohd so!"

Ehealltag

"Mei Mo hodd geschdrn widdr amol midd mr gschwätzd!" - "Ond, was hodd'r gsagd?" - "Dass I mei Gosch halda soll!"

Ehebruch

'Herr Pfarrer, i benn fremdganga!' - 'Wia ofd denn mein Sohn?' - 'Herr Pfarrer, i däd gern beichda, nedd ageba!'

Ehedialog

Dialog nach der Hochzeit:

Er : Ha endlich. I hann scho so lang druff gwardad.
Sie: Willsch dass i gang?
Er : Ja noi! Wia kommsch'n do druff? Scho dia Vorschdellong isch schregglich fir mi.
Sie: Liebsch du mi no?
Er : Abbr freile! Zu jedra Dag ond Nachdzeid!
Sie: Hosch du mi jemols betroga?
Er : Ha noi, nia! Warom frogsch du mi des bloß?
Sie: Willsch du mi kissa?
Er : Abbr klar, jedes mol, wenn i d'Glegaheid dazu hann.
Sie: Dädsch du mi haua?
Er : Bisch du begnalld? Du woisch doch wia i benn.
Sie: Ko i dir voll vrdraua?
Er : Ha jo!
Sie: Du Schätzle…!

Dialog nach 10 Ehejahren: bitte den Text von unten nach oben lesen!

Eheleben

Ein wackerer Schwabe heiratet und wird nach einem Jahr von seinem Freund gefragt, wie es denn so laufe mit dem Eheleben. "Ha, was soll'e saga, ledig isch jo au nix."

Ehemann

"Sag amol Mo, machd mi dia Hos do dick?" - "Do kenn i mi nedd so aus, abbr i däd se uff koin Fall essa!"

Ehrlichkeit

"Wenn I gwussd hädd, dass du so arm bisch, hädde de nia gheiraded!" - "Abbr Schäddzle, i hann Dir doch vo Afang a gsagd, Du bisch mei ein ond alles!"

Ehrlichkeit

"Was drengschn Du am liebschda?" - "A Virddale" - "Ond was no?" - "No ois!"

Einen Lauf haben

Dr Karle bekommt einen Anruf von der Lottozentrale und hört, dass er eine Million Euro gewonnen hat. "Ha, des muass i glei meinr Frieda verzähla", denkt er und ruft nach seiner Frau - keine Antwort. Nach einigen Minuten findet er seine Frau tot auf dem Küchenfußboden. Brummelt dr Karle: "Ha no, wenn's amol laufd, no laufd's abbr."

Einladung

"Willsch heid Obad midd mir essa?" - "Oh ja, sehr gerne." - "Guad, no benn'e so gega Achde bei Dir!"

Einleuchtend

Der Karle kommt heim und fragt seine Frau: "Isch äbbr komma?" - "Jo!" - "Wer denn?" - "Ha Du!" - "Noi, i moin ob äbbr do gwäsa isch!" - "Ja!" - "Ond wer?"- "Ha I!"

Einsatz

Dr Karle gibt am Stammdisch seinen jüngeren Kollegen a bissle Anchauungsunterricht, wie es damals in der guten alten Zeit gewesen ist. "Friahr, ha friahr, des senn fei andere Zeida gwäsa! Do henn mir ofd am Dag fenfazwanzich Schdond schaffa miaßa." - "Des gibt’s doch gar net!", widerspricht einer, "Dr Dag hodd doch bloß vierazwanzich Schdond!" - "Hosch du a Ahnung! Mir hennd hald am Morga a Schdond friahr ogfanga ond iebr Middag durchgschaffd!"

Einschätzung

"Ja wia siehsch denn Du aus? Du hosch ja a bees blaus Aug!" - "Des hanne von meiner Frau!" - "Dei Frau? I hann dengd dia wär zu Ihrer Muddr gfahra?" - "Des hann I hald au dengd!"

Einsicht

Am Stammtisch hatte man sich lange über das Verheiratetsein gestritten. Zum Schluss meint dann einer: "S'isch hald so, oine isch zviel und koine isch zwenig."