Schwäbisches Wörterbuch

A Frau machd sich emmr Sorga um ihr Zukunfd, bis se an Mo hodd. A Mo machd sich nia Sorga um sei Zukunfd, bis er a Frau hodd.

Ällas hodd sei Sach!

Ällas hodd seine zwoi Seida.

Ällas isch bloß a Weile rechd, hodd dr Pfarrer gsagd ond an Oschdra d’ Chrischboom aus dr Kirch do.

An gscheidr Wei hodd no koim Domma gschaded.

An Gsondr hodd dausend Winsch, an Grangr bloß oin

Au a gscheide Henn hodd scho ens oigene Neschd gschissa.

Bei dene herrschd Ordnong en dr Familie, do hodd jeds Kend an oigena Vaddr.

Beim Biegla gibt sich viel, hodd sellr Schneidr gsagd, wo da Hosalada henda nognähd hodd.

Bis der bronzd hodd, hann e scho zwoimol gschissa!

Dama händ ’s Vorrechd, hodd dr Saudreibr vo Ulm gsagd and hodd d’ Sau vorausdrieba!

Deam hodd Kaddz en ’s Feurzeig bronzd!

Den kosch nedd braucha, der hodd zwoi linke Händ ond dia no em rechda Hosasagg

Der Gerechde muß viel leida, hodd sellr Mesner gsagd, als er zom Leida ganga isch

Der hodd a Graddl wia Bschdandgoiß

Der hodd a schdille Mess

Der hodd a scheene Leich khedd

Der hodd an Kraddl, wie a Schdall voll Enda

Der hodd ao zwoi Händ, oine zom nehma ond oine zom bhalda

Der hodd meh Dregg am Schdegga, als Hoor am Grend.

Der hodd nix zom saga, ond woiß au nedd wia

Der hodd sei rode Nos au nedd von z’ enge Schuah.

Der hodds scheenr wia d’ Fix

Der hoggt do wi an Baur, wo da Zens brochd hodd!

Des gibt Lufd, hodds Mädle gsagd, als se Zwilleng griagd hodd

Des Gschäfd hodd dr Deifl gseha

Des gschiehd meinr Muddr rechd, daß mi ’s an d’ Fengr frierd, warom hodd se mir koine Hendschich gäba.

Des hilfd gega d’ Meis, hodd der Baur gsagd, als sei Hof brennd hodd.

Des hodd Hand ond Fuaß

Des hodd weddr Hand no Fuaß!

Des isch äbbas args, wemmr am End vom Geld no so viel Monad iebrig hodd!

Des isch an armr Deifl, der hodd nedd amol a oigne Hell.

Des war a scheene Leich, schad dass’r nemme hodd drbei sei kenna.

Des will I seha, hodd sellr Blindr gsagd, ond no erschd nix gseha!

Dia hodd a Herzle wia a Mäusle a Fauschd

Dia hodd dierfa au koin Brodlaib omasonschd essa.

Dia Woch fängd scho guad a, hodd d’ Hex gsagd, als mr se am Mondich vrbrennd hodd

Do brauchds an Willa, abbr den hodd mei Weib!

Do hodd mei Vaddr gmiggt, do migg i au, ond wenns da Berg nuffgohd.

Do hosch dei 'I due dr nix', hodds Mädle gsagd, wia se em Karle ’s Kendle brochd hodd!

Do ko mr saga was mr will, des hodd ällas koin Wert

Dr Broschd hodd scho so manchen ’s Heisle koschd.

Dr Gliegare gibt noch, hodd’ s Baurabiable gsagd ond no dr Ochs aguggt.

Dr oi hodd dr Titl, dr ander hodd dia Middl

Dr oine hodd da Beidl, dr andere hodds Geld.

D’ Fremde gibt Leit, hodd sellas Mädle gsagd ond isch mit ma Schubkarra voll Kendr hoimkomma!

Es will nedd hüsda ond nedd hodda.

Gnuag hodd nia gnuag!

Große Schdich brengad au Geld, hodd selle Nähere gsagd.

Gschmaggsach, hodd dr Aff gsagd ond en d’ Soif bissa.

Haubdsach, mr isch gsond ond d’ Frau hodd a Arbad!

Heil a bissle, lach a bissle, morga kommd dr Deede, hodd a rode Wurschd em Sagg ond a zuggrigs Breedle.

Heit gohds schmal her, hodd dr Fuchs gsagd, als er a Mugg gfanga hodd

Hendadrei hodd Schbegg em Sagg!

I ko au nedd an jedn Dregg denka, hodds Weib gsagd, wia ’s es Middagessa vrgessa hodd.

I will d’ Weld nedd vrschdenka, hodd dr Schbaddz gsagd ond en Bach gschissa.

Je meh Mischd oinr em Hirn hodd, umso meh schdenktr aus dr Gosch.

Jedr Dag hodd sei Blag, jedr Morga seine Sorga.

Jedr hodd an Brand am Arsch, glimmd er nedd, no gloschded’ r!

Koin Goggl hodds gern, wenn Fremde uff seim Mischd schärrad.

Koinr hodd se wella, abbr i hann se glei griagd

Leider hodds uff dr Welt meh Hond als Gnocha

Manch oinr hodd Schdroh em Kobbf, abbr Geld wia Hai.

Mr hodd nedd jedn Dag an guada Dag!

Mr hodd no nia khörd, daß ’s Loch dr Maus nochschbrengd.

Mr muass a Schof schera, wenn’s Wolle hodd.

Mr muass der Sach uff da Grond ganga, hodd dr Baur gmoind, als er en d’ Gillagruab gfloga isch.

Mr muass nedd hehar fliaga, als mr Fädara hodd

Mr schmeißd d’ alde Schuah nedd weg, bevor mr Neue hodd.

Mr sodd nedd fliaga wella, wemmr koine Fädra hodd!

Nei isch hald andersch wia naus, hodd dia sell Hebamm gsagd!

Sichr isch sichr, hodd dr Baur gsagd ond sein doda Hond abonda.

Uff oim Fuaß ko mr nedd laufa, hodd sellr Dausedfiaßlr gsagd,

Was koin Wert hodd, isch sogar gschenkd z’ deier.

Was mr nedd im Kobbf hodd, hodd mr en de Fiaß!

Wemmr koi Ahnong hodd ond da drvo au no viel, no sodd mr seine Griffl oifach vom Sach weglassa.

Wemmr nix hodd, ko au a bissle viel sei!

Wemmr no gsond isch ond guade Schuah hodd, dass mr dr Arbad drvolaufa ka.

Wemmr oin hogga hodd, no ischs nedd leichd, uff amma schmala Hoggr zom hogga.

Wenn dr Deifl Hongr hodd, frissd er au Mugga.

Wenn dr Schdiefl henda a Loch hodd, seddzd mr vorna koin Bleddz druff.

Wenn d’ Birn zur Huddzl wird, no hodd mer nemme lang dro

Wenn d’ Kuah koin Schwanz meh hodd, no weiß se erschd, fir was’r guad war!

Wenn mr nedd duad wia d’ Leit, hodd mr ’s au nedd wia d’ Leit!

Wer aus Lieb heierd, hodd scheene Nächd, abbr harde Däg.

Wer em Rohr siddzt, hodd guad Pfeifa schnitza.

Wer koi Arbad hodd, suachd sich oine.

Wer koi Hand hodd, ko au koi Fauschd macha!

Wer koine Kendr hodd, kennd’ s hausa nedd!

Wer lachd, lebt längr, abbr wer längr lebt, hodd nix zom Lacha.

Wer me nedd gern hodd, ko me grad gern hann!

Wer mi lobd, will äbbas odr hodd scho äbbas!

Wer nedd weid her isch, hodd au nedd weid hoim

Wer nedd will, hodd khedd ond wer khedd hod, brauchd nix meh.

Wer nix glernd hodd, ko au nix vrgessa!

Wer nix hodd, vrlierd au nix!

Wer oimol in sei Hos gschissa hodd, muss ällaweil schdenka.

Wer schbäd uffschdohd, hodd lang schaffa.

Wer viel Geld hodd ond isch saudomm, kaufd a alds Haus ond bauds oft om.

Wer zur Arbad schbrengd, hodd nedd viel emm Senn!

Wia mr dr Hond ziagd, so hodd mr’n.

Wo will au der des herwissa, der hodd doch no da Scheißhafaring am Arsch!

’s isch iberall guad Brod essa, wemmr hodd.

’s isch nedd iberall Brauch, daß mr dr Arsch buddzd, eh mr gschissa hodd.

’s isch nedd jedr a Mo, wo a Weib hodd!

’s isch scho komisch, hodd drselle Mo gsagd: I mog d’ Mädla ond mei Schweschdr d’ Buaba!

’s leddschd Hemmad hodd koine Dascha!

’s Schaffa khörd abgschaffd, dass ma endlich Zeid hodd fir a aschdendigs Gschäfd.