Schwäbisches Wörterbuch

Leidensdauer

"Dengand Se no, mei Mo isch scho achd Däg noch onserer Hochzich gschorba!"
"No hodd’r jo net lang leida miassa!"

Leidr hodd’s uff dr Welt meh Hond als Gnocha!

Wie wahr, wie wahr
wörtl.: Leider gibt es auf dieser Welt mehr Hunde als Knochen!

Leidsoil

Zügel (am Gespann)
wörtl.: Leitseil

Kommt auch in diesen Redensarten vor:

Mr sodd’s Leidsoil net aus dr Hand gäba, solang mr no uf em Waga sitzt.

Leiduach

Leintuch, Bettlaken

leiera

drehen, schrauben

Leifelda-Echderdinga

Leinfelden-Echterdingen, Stadt im Landkreis Esslingen auf den Fildern

🔗 Mehr dazu bei WIKIPEDIA

Leihfrist

Im Baumarkt: "I suach a baar lange Messingschrauba!"
"Ond wia lang?"
"Ja wia, ko mr dia au ausleiha?"

leis

mit zu wenig Salz gekocht, wenig gewürzt, fade

Gib amol s'Salz rom, dia Subb isch arg leis!

Siehe auch:

Leit

Leute, Menschen

Siehe auch:

Kommt auch in diesen Redensarten vor:

Äldere Leit, dia emmr ganz jugendlich do wellad, senn meischdens bloß kendisch!

Andre Leit senn au net bessr!

Au kloine Leit kennad große Schadda werfa!

Aus andrer Leit Haud isch guad Riema schneida!

Aus Biebberla werdad Gees ond aus Kendr amol Leit.

Aus Kendr werdad Leit, aus Mädla werdad Bräud!

Aus Kendr werdad Leit.

Berg ond Dal kommad net zsamma, abbr d’Leit.

Bloß koi Angschd vor de Herra, Baura senn au Leit.

De gscheide Leit bassierad meh domme Sacha, wia de domme Leit gscheide.

De gscheide Leit gangad d’Hoor raus, Sauköpf muaß mr brieha.

Der schwätzd au vier Schbrocha: Schwäbisch, noch dr Schrifd, durch d’Nos ond iebr d’Leit!

Dia arme Leit zahlad au, wenn se Geld hend!

Dia gröschde Lomba senn ofd die ehrlichschde Leit!

Dia gscheide Leit wissad selbr, wia domm se senn!

Dia oigene Leit ko mr sich net raussuacha, abbr d’Schwiegerleit.

Dia zwoi senn an ganze Beddlad voll Leit.

Do essad d’Leit gern, wo mr vor laudr Floisch koi Kraut meh siehd!

D’Fremde gibt Leit, hodd sellas Mädle gsagd ond isch mit ma Schubkarra voll Kendr hoimkomma!

D’Heisr sterbad net, abbr d’Leit.

D’Leit lernd mr net en dr Kirch kenna.

En anderer Leit Kich isch guad kocha!

Geizige Leit isch schlechd wäscha, dia reud sogar dr Dregg.

Guade Radschläg griagd mr meischdens vo Leit, die ’s selbr neediger häddad!

I reg mi nia uff, dia andere Leit regad me uff!

I will net Mitglied emma Vrei sei, der Leit wia mi als Midglied uffnimmd!

Je efdr Dei Grend en dr Zeidong kommd, je efdr butzad d’Leit da Arsch mit dr ab!

Lass doch d’Leit schwätza ond d’Hond bella!

Luschdige Leit machad meh Dommheida wia draurige, abbr dafir scheenere.

Mit anderer Leit Sach isch guad ausdoila!

Mit andrer Leit Fiedle isch guad durchs Feier rudscha!

Mr muass d’Leit nehma, wia se senn, net wia se sei soddad.

Mr muass es Geld von de Leit nehma, von de Bäum ko mr’s net schiddla.

Nadierlich muss es au domme Leit gäba, abbr doch net emmr meh!

Uff am Kirchhof liegad an Haufa Leit, die glaubd hend, ohne sie gohds net!

Uff’m Margd lernd mr d’Leit bessr kenna, als en dr Kirch.

Von de Leit muaß mr ’s Geld nemma, von de Bäum ko mr’s no net schiddla.

Wenn mir zwoi net wärad, no häddad d’Leit nix zom kratza, segd d’Laus zom Floh!

Wenn mr net duad wia d’Leit, hodd mr’s au net wia d’Leit!

Wenns oms Geld gohd, lernsch d’Leit kenna.

Wer d’Leit kenna lerna will, muass bloß a Giadle mid’en doila!

Wer d’Leit kennd ond da Weg, gohd nia fehl.

Zu de Leit komma ond bei de Leit sei, isch Zwoierlei.

Leitla

Menschen, auch: älteres Ehepaar