Schwäbisches Wörterbuch

Ehepaar beim Wandern

S: Jetz fangts au no a zom soicha, i han’s doch glei gwisst! Mei neie Dauerwell isch scho beim Deifl!
E: Ha noi, Erna, des isch bloß a bissle Luftfeichtigkeit, des gibt stramme Wada!
S: Stramme Wada? Mei Blus klebt mir am Buckel wie a nasses Handduach, du Schwätzr!
E: D’Natur braucht des abbr, schau wia d’Bäum scho strahlad.
S: I bin aber koin Baum! I ben dei Frau und i will jetz a Dach ieberm Kopf!
E: No ziag hald dei Regajack a, die hosch doch extra dodrfier kaufd.
S: Dia ligd em Audo! Du hosch gsagd, d’Sonn lachd da ganza Dag heit, du Wetterfrosch für Arme.
E: I ben sichr, d’Hütte isch glei dovorna, da gibds bschdimmd a guats Veschbr!
S: A Veschbr? Wahrscheins au no dussa em Freia mit’m Schirm über’m Bier!
E: Sei net so grädig, a baar warme Mauldascha machad ällas widdr guat.
S: I will koin Mauldascha, i will a warme Badwann ond an Scheidungsanwalt!
E: Von mir aus, Erna. Abbr erschd noch’m Nochdisch, gell? Mir wellad ja nix verkomma lassa.

Ehepaar beim Wandern

S: Siehsch, I han doch glei gwissd, mir soddad d’Jacka mitnehma!
E: Schdemmd, abbr I war sichr, dass heit a Bombaweddr isch!
S: Bombaweddr! I ben scho halb vrsoffa! Guck di a, du tropfsch au wia an aldr Wasserhahn!
E: Des is doch bloß ab bissle Nieselrega, des goht glei widdr vorbei.
S: Niesel?! I seh jo scho d’Fisch vorbeischwemma!
E: Jetz übertreibsch abbr!
S: I übertreib? Mei Frisur isch em Arsch, mei Schuah quietschad wia an Kuahfuß em Schlammloch ond du schwätzsch von Niesel!
E: Komm, mir laufad oifach schnellr, no wirds ons warm.
S: I lauf net schnellr, I rutsch ja scho rom wie uff Schmierseif!
E: GottseiDank, dort vorna sieh i a Hütte, siehsch se au?
S: Ja doll, ond beschdimmd hodd dia zua!
E: Sei net so negativ, probiera koscht nix.
S: Wenn dia zua isch, dann schlof i heut Nacht alloi em Auto ond du derfsch draußa bleiba!

Ehepaar im Theater

S: Fritz, gugg doch, isch des net wunderbar! Dia Schauspielr senn so guad!
E: Ja, ja, wenn se no net so lang schwätza dädad. I han scho dreimol gähnt, seit mr do sitzad.
S: Abbr des isch doch Kunschd, hör doch oifach mol zua!
E: Kunschd? I glaub, des isch ehnder a Schlofmiddl. Wenn i no längr zuahör, fall i dod vom Stuhl!
S: Du hosch au gar koin Sinn für Kultur!
E: Doch, wenn’s a Wurschtweggle isch oder a kalds Bier. Abbr des do, des isch jo wia an Brief vom Finanzamt.
S: Du bisch echd onmeeglich!
E: I gang jetzt naus, sonsch drehe durch!
S: Und was mach i?
E: Du kladdsch Beifall, abbr net z’lang, sonst verpass i no mei Schorle in dr Paus!

Ehepaar im Theater

S: Schau bloß, Karl-Heinz, isch des net schee? Dia ganze Leit en Schale und der Kronleuchter do oba, des isch doch amol äbbas anders als drhoim!
E: Schee isch reladiv, Erna. Mei Hos zwickt im Schritt, dr Krawatta-Knoda schnürt mr d’Gurgl ab und d’Luft do drenna isch jetz scho dickr als dei Linsasubb!
S: Jetz halt abbr dei Gosch und sei amol dankbar. Glei goht’s los mit’m ‚Fauschd‘, des isch echde Hochkultur!
E: Fuffzig Euro fir a Eintrittskart, bloß damit i mir ahör, wia oinr auf dr Bihne romjammert? Fir des Geld hädd i mein ganza Schdammdisch eilada kenna.
S: Jetzt reiß de hald zamma. Des isch Weltliteratur! Des bilded! Au Di!
E: I fühl me scho ganz bildet. I bild mir nemlich ei, dass i jetz gernr mit amma Viertele und amma Wurschtsalat en dr Krone hocka dät.
S: Pssst! S’Licht goht aus. Jetzt sei schdill und guck einfach zua, vielleicht lernsch ja äbbas iebr d’Menschheit!
E: I lern höchstens, dass ma Sitzplätz au ohne Polsterung fir deir Geld verkaufa ko. Mei Fiedle fühlt sich scho an wie aigschlofenr Fuaß.
S: Guck, dr Vorhang goht auf! Jetzt fangt dr Prolog a.
E: Hoffentlich dauert dr Prolog net so lang wie dei ledschdr Friseurbsuach! Also, wenn dr Erschte dod omfälld, wecksch me uff, gell?
S: Also i schwör Dir, du kommsch nächschdes Johr nemme mit!
E: Ha, des hosch mr letztes Johr au scho vrsprocha!

Ehna

Großvater

Siehe auch:

ehragrädig

empfindlich, auf seine Ehre bedacht

ehrakäsig

empfindlich, auf seine Ehre bedacht, ehrenkäsig

Ehrlich währd am längschda, abbr wer net schdiehld, kommd zu nix

Ehrlich währt am längsten, aber wer nicht stiehlt, kommt zu nichts

eiatma

einatmen

eibläua

einbläuen, immer wieder erinnern