Schwäbisches Wörterbuch

Sonsch bisch gsond?

Ja spinnst Du?
wörtl.: Ansonsten bist Du gesund?

Soweid kommds no!

Jetzt ist aber Schluß! Du spinnst ja!
wörtl.: Soweit kommt es noch!

Speikäschdle

Spucknapf

Spende

"Babba, draußa isch oiner ond sammeld firs neie Freibad! Was gäbad’mr deam?"
"Zwoi Oimr Wassr, des langd!"

Sterba ond heirada muass mr alloi!

Manche Dinge kann einem niemand abnehmen
wörtl.: Beim sterben und heiraten ist man alleine!

Stör me net, sonsch werd e fuchdig!

Störe mich nicht, sonst werde ich sauer!

Streit auf dem Wochenmarkt

A: Hald amol, Fraile, weg mit de Fingr! Den Kopfsalad han i scho gseha, bevor Sie iebrhaubd Ihr Schlofmütz aus’m Gsicht khedd henn!
B: Sia, mir senn hier net beim Daimler in dr Kantin! Wer zerscht grabschd, dem ghört dr Salad, des war scho emmr so!
A: Sie henn ja a rechde Schwertgosch! I schdand hier scho, seit dr Markt uffgmachd hodd ond wart ganz geduldig!
B: Dass i net lach! Sie senn doch am Kässtand romglungerd und henn de Leit d’ Ohra voll gsoichd, anstatt Ihre Glotzböbbl uffzumache!
A: Jetz schlägt’s abbr dreizeah! Gebad Se sofort den Salad her, sonsch fahr i Ihne mit meim Rentnerporsche so was von iebr d’Zaiha!
B: Probierad Se’s halt! Mei Scheeboi isch härdr als Ihr ganzr Aschdand, Sia Neiddeifl!
A: Aschdand, dass i net lach! Des Gmias, wo Se do em Netz hen, siehd aus, als hädds d’Wedderhex ieberfahra!
B: Drfier senn meine Gurka net so biddr wia Ihr Gsicht, wenn Se da Preis vom neia Spargel sehad!
A: Wissad Se was? Behaltet Se den vrschissana Salad! I gang jetz zum Bio-Baura, der hat wenigschdens koi so beese Kundschafd wia Sie!
B: Ha, des freid da Bio-Baura bschdimmd! No ko er endlich seine saure Äpfel ond Birna an a echde Giftspritz loswerda!
A: Bassad Sie liebr uff, dass dr Salad net scho welkt, bloß weil Sie den mit Ihre giftige Blick aguckt henn!
B: Kei Sorg, dr Salad hält längr durch als Ihr Mo drhoim, wenn Sie widdr so a beese Gosch ziehad!

Streit auf dem Wochenmarkt

A: He, du do! Daddsch mr bloß net älle Tomata a, wenn de nix kaufsch!
B: I guck hald bloß! Bei deine Preis kriag i jo faschd Schnappatmong, des isch jo dr helle Wahnsinn!
A: A wa! Du bisch doch z’geizig fir an Bund Schnittlauch! Des sieh i scho deim Gsichd a!
B: Wenigschdens han i a Gsichd! Abbr deine Gurka senn so krumm, dia fallad vo selbr aus’m Grädda!
A: Des isch hald Bio, du Glufamichl! Net so gladdbiegelds Zeigs wie dei billigs Aldi-Gmias!
B: Bio? Dass e net lach! Des isch wahrsscheins selbr vom Aggr gfloha ond deine Grombira henn scho meh Gschichta erlebbd, weddr denn dass I!
A: Jetz pass abbr uff, Männdle! Sonsch hau i dr a Kilo Zwiebla om d’Ohra, dass d’ heilsch wie an Schlosshund!
B: Mach doch! Wega deim ogammelda Knofel brauchd mr eh scho a Gasmask!
A: Du schwätzsch bloß so gschwolla, weil de drhoim bloß Dosenravioli griagsch!
B: Liebr Ravioli als dein labbriga Feldsalat, der hangad jo scho do wia an Schbatz am Scheißheisle!
A: So, jetz isch abbr no langsam s’Heu honda, kauf was oder gang ane, du Endaglemmr!
B: I muass eh weidr, ond dein Schdand meide ab soford wia Schlagloch, des isch gwieß!

Streit in der Ehe

S: Sag amol, hosch du scho widdr mei Schbätzlessieb verlegd?
E: Abbr ganz sichr net! Des war scho weg, bevor i iebrhaupd en d’Kich ganga bin!
S: Scho klar! Abbr d’Spätzla machad sich net von alloi!
E: Jetz dua amol halblang, i han doch bloß kurz a Bier khold.
S: Ond drbei au glei da halbe Haushald midnausgschmissa!
E: Du bisch selbr koi Engl! Deine Schuah ond Dei Schminkzeigs fahrad ieberall rom!
S: Des isch äbbas anders! Des isch mei System!
E: System? Das’e net lach! Des isch a jenseids Chaos!
S: Woisch was, schwätz net, suach liebr s’Sieb!
E: I such jo scho, abbr wenn’es find, no griag i au a Lob, oddr!
S: A Lob? Du kriegsch höchschdens koine midd dr Pfanna iebrzoga!
E: Na guad, I suach scho scho!

Streit in der Ehe

S: Mo, hosch Du scho widdr oins vo meine T-Schörds zom Autoputza gnomma?
E: I han bloß des grea-gelbe do gnomma, abbr des isch doch scho ganz kabudd gwä!
S: Des war fei mei Lieblings-T-Schörd, Du Halbdaggl! Des war vo meinr Muddr!
E: Vo deira Muddr? No isch’s jo guad, dass es weg isch, des Deng hodd mr doch net seha kenna!
S: I guck jetzt di ganz gnau o, ond mir gfälld au net, was i sieh!
E: Gerda, jetz mach hald koi Fass uff, i kauf dr hald a neis, wenn’s sei muass!
S: Des hosch Du au gsagd wega meim Suppahäfele ond wege meinr Nachdischlamp und wega meim Audo!
E: Heilandzack, der Karra isch doch von alloi heeganga!
S: Du bisch so an waidagrdr Waidag, so an vrkommenr!
E: Wenn’d jetz beleidigd bisch, no schlof i heut Nachd bessr beim Hond em Körble!
S: Bloß dass’es woisch, dr Hond mog di fei au net!