Wia soll I wissa, was i denk, bevor I les, was i schreib?
No so an Scheiss-Blog, werdad se grad denka!?
Abbr i han scho lang s´Gfühl, dass dr schwäbische Blickwinkl en dera Welt viel z´kurz kommt.
Daher gibts hier in oregelmäßige Abschdänd ond in lesbarem Schwäbisch mei Meinong.
I bin seit einige Johr im Ruheschdand ond hab dia meischde Zeit von meim Berufsleba en Schduagrd vrbrochd. Jeddzd hodds mi abbr vor a baar Monat en Schwarzwald vrschlaga, also an badischa Landesteil, ond i fühl mi hier saumäßig wohl.
Scho em Johr 1984 ben´e vor ra Taschdadur gsessa, damals wars´s no dia middlere Dadatechnik, ond no hanne dia ganze tolle Entwicklunga en der EDV mitmacha dürfa: MS-DOS, UNIX, Windows, Internet, PC, Phones ond dazu an Sauhaufa Databanka, dia meischda davo kennd heut koi Sau meh.
I ben also oinr von dene alde IT-Säck, dia von Afang o drbei warad, ond heid no ko i mi über ällas Neis begeischdara. Weiterlesen..
Was i schad find isch, dass sich s´Vrschdändnis für EDV emmr meh vrschlechdrd hat. Ganz am Ofang hodd mr jedn Befehl fürs Betriebssystem em Kopf han müssa, heidzutag hält sich jedr, der a App uff seim Eibrettle midd am Fengrdabbr inschalliera ko, für a IT-Käpsele.
Mi hodd immr begeischdrd, wia d´EDV de Menscha viele oagnehme Aufgaba abgnomma ond manches oifachr gmacht hodd.
Abbr mr sodd hald au immr hindrfroga, wo´s a Hilf isch, ond wo dr´Vrblödung afängt.
Dodrwega mei heutigr Rat: Glaubad au nedd ällas, was dia KI so moint, sondern nutzad au andere Quella!
Noch so ein bescheuerter Blog, werden Sie jetzt denken!?
Aber ich habe schon lange das Gefühl, dass der schwäbische Blickwinkel auf diese Welt viel zu kurz kommt.
Daher gibt es hier in unregelmäßigen Abständen und in hoffentlich lesbarem Schwäbisch meine Meinung.
Ich bin seit einigen Jahren im Ruhestand und habe die meiste Zeit meines Berufslebens in der IT-Branche verbracht. Aber jetzt hat es mich vor ein paar Monaten den Schwarzwald verschlagen, also in den badischen Landesteil, und ich fühle mich hier sehr wohl.
Schon im Jahr 1984 bin ich erstmals vor einer Tastatur gesessen, damals gab es noch die mittlere Datentechnik, und ich durfte viele Jahre an der tollen Entwicklung in der EDV mitarbeiten: MS-DOS, UNIX, Windows, Internet, PC, Smartphones und dazu viele, viele Datenbanken, die meisten davon kennt heute keiner mehr. Weiterlesen..
Ich bin also einer von den alten IT-Säcken, die von Anfang an dabei waren - und noch heute kann ich mich über alles Neue begeistern.
Was ich schade finde, ist, dass sich das Verständnis für die EDV immer mehr verschlechtert hat. Ganz zu Anfang musste man jeden Befehl fürs Betriebssystem im Kopf haben, heutzutage hält sich jeder, der eine App mit einem Fingertipp installieren kann, für einen IT-Experten.
Ich fand und finde es super, wenn EDV den Menschen viele einfache Aufgaben abnimmt und manches einfacher macht.
Aber man sollte immer kritisch hinterfragen, wo es noch Hilfe ist und wo die Verblödung anfängt.
Deshalb mein heutiger Rat: Glaubt nicht alles, was die KI so behauptet, sondern nutzt bitte auch andere Quellen!
schwäbisch schwätza