Schwäbisch im Alltag

Gespräch im Stau

S: I han’s doch g’wisst! Über d’Alb driebr wärad mr scho lang dahoim beim Kaffee und beim Hefazopf!
E: Erna, jetz reg de net onedig uff. S’Navi hot gsagd, des isch dr schnellschte Weg ohne Baustella.
S: Dei Navi hot au scho gmoint, dass d’Donau a Sackgass isch. Guck de doch a, nix goht vorwärts, mir schdandad bloß!
E: Mir schdandad net, mir rollad au. Des isch halt Stop-and-Go, des isch jetz modern.
S: Modern? I schwitz wie a Sau und mei Blos meldad sich au scho widdr – i muass ganz pressant, Karl-Heinz!
E: No gang halt hintr den Reisebus do vorna, der bewegt sich eh nemme bis Weihnachta.
S: Dommschwätzr! I soich doch net uff d’Autobahn wie an Eggabronzr! Ond Hungr hann e au wia an Bär.
E: I hädd no a Käs-Brot em Handschuahfach, abbr des isch halt von vorgeschdrn.
S: Des kosch selbr fressa, des isch ja scho so hart, do bricht mer sich d’Dritte aus!
E: Jetzt sei halt amol friedlich, i versuch mi schließlich auf dr Verkehr zu konzentriera.
S: Uff welchen Verkehr denn, uff d’Bremslichdr vom Vordrmo? Die seh i au ohne dei Konzentration!
E: Erna, wenn de weidr so romgoschelsch,no schmeiß i di an dr nächsta Ausfahrt raus - wemmer se jemols erreichad!