Schwäbisch wird immer dann am lebendigsten, wenn man in ganz alltägliche Gespräche reinhört, egal ob am Stammtisch, im Treppenhaus, auf dem Wochenmarkt oder beim Ehestreit :-)
Gespräche-Übersicht
| Treffer: 1 von 22 |
Streit in der Ehe
S: Mo, hosch Du scho widdr oins vo meine T-Schörds zom Autoputza gnomma?
E: I han bloß des grea-gelbe do gnomma, abbr des isch doch scho ganz kabudd gwä!
S: Des war fei mei Lieblings-T-Schörd, Du Halbdaggl! Des war vo meinr Muddr!
E: Vo deira Muddr? No isch’s jo guad, dass es weg isch, des Deng hodd mr doch net seha kenna!
S: I guck jetzt di ganz gnau o, ond mir gfälld au net, was i sieh!
E: Gerda, jetz mach hald koi Fass uff, i kauf dr hald a neis, wenn’s sei muass!
S: Des hosch Du au gsagd wega meim Suppahäfele ond wege meinr Nachdischlamp und wega meim Audo!
E: Heilandzack, der Karra isch doch von alloi heeganga!
S: Du bisch so an waidagrdr Waidag, so an vrkommenr!
E: Wenn’d jetz beleidigd bisch, no schlof i heut Nachd bessr beim Hond em Körble!
S: Bloß dass’es woisch, dr Hond mog di fei au net!
© 2026 schwaebisch-schwaetza.de | Peter-Michael Mangold
schwäbisch schwätza