Schwaben-Witze

Brutto-Netto

"Kosch Du mir dr Onderschied zwischa Bruddo ond Neddo erklära?"
"Des isch doch ganz oifach, uff am Lohnzeddl schdohd oba brudal viel, des isch bruddo, ond onda bleibt net viel, des isch neddo!"

Deodorant

"Mit dem Deo muasch umganga wia Robin Hood!"
"Also ond wia genau?"
"Ondr de Arme vrdoila!"

DoItYouself

"Du Schätzle, wo schdohd denn heut ’s Essa, I ben scho ganz hongrig!"
"En dem Kochbuach uff Seite 43!"

Dreifarbenhaus

Kurz nach dem 2. Weltkrieg beschwert sich die Chefin des Stuttgarter Dreifarbenhauses (Hinweis für Neigschmeckte: das ist das offizielle Bordell in der Stadtmitte hinter dem Rathaus) beim französischen Stadtkommandanten über das anstrengende und sinnenfreudige Treiben seiner Soldaten: "Sia, so gohd des fei net, meine Mädla senn a ruhigs Schaffa gwehnd!".

Dummheiten machen

Ein älteres schwäbische Ehepaar steht zu später Abendstunde auf dem Balkon.
Sie beobachten wie der Nachbarsjunge unten im Gebüsch ein Mädchen anmacht.
"Gugg amol Karle, do dr Markus, so a näddr Kerle. Wenn der bloß koine Dommheida machd. Karle, pfeif’m doch amol."
"Des fälld mir net em Draum ei, bei mir hodd au koinr pfiffa!"

Ebenbild

Am achten Tag verteilte Gott die Dialekte.
Als er alle Stämme durch war, beschwerte sich der Schwabe, er hätte als Einziger keinen abbekommen.
Da seufzte Gott und sagte: "Ha, no schwätz hald oifach wia I!"

EBike

"Ja sag amol, Paule, wie gohds denn mit deim neia Ibaik?"
"Seggl, des gohd net, des fährd!"
"Na guad, wia fährd’s sich denn?"
"S’gohd so!"

Ehealltag

"Mei Mo hodd geschdrn widdr amol mit mr gschwätzd!"
"Ond, was hodd’r gsagd?"
"Dass I mei Gosch halda soll!"

Ehebruch

"Herr Pfarrer, i ben fremdganga!"
"Wia ofd denn mein Sohn?"
"Herr Pfarrer, i däd gern beichda, net ageba!"

Ehedialog

Dialog nach der Hochzeit:

Er : Ha endlich. I han scho so lang druff gwardad.
Sie: Willsch dass i gang?
Er : Ja noi! Wia kommsch'n do druff? Scho dia Vorschdellong isch schregglich fir mi.
Sie: Liebsch du mi no?
Er : Abbr freile! Zu jedra Dag ond Nachdzeid!
Sie: Hosch du mi jemols betroga?
Er : Ha noi, nia! Warom frogsch du mi des bloß?
Sie: Willsch du mi kissa?
Er : Abbr klar, jedes mol, wenn i d'Glegaheid dazu han.
Sie: Dädsch du mi haua?
Er : Bisch du begnalld? Du woisch doch wia i ben.
Sie: Ko i dir voll vrdraua?
Er : Ha jo!
Sie: Du Schätzle…!

Dialog nach 10 Ehejahren:

Sie: Du Schätzle…!
Er : Ha jo!
Sie: Ko i dir voll vrdraua?
Er : Bisch du begnalld? Du woisch doch wia i ben.
Sie: Dädsch du mi haua?
Er : Abbr klar, jedes mol, wenn i d'Glegaheid dazu han.
Sie: Willsch du mi kissa?
Er : Ha noi, nia! Warom frogsch du mi des bloß?
Sie: Hosch du mi jemols betroga?
Er : Abbr freile! Zu jedra Dag ond Nachdzeid!
Er : Ja noi! Wia kommsch'n do druff? Scho dia Vorschdellong isch schregglich fir mi.
Sie: Liebsch du mi no?
Sie: Willsch dass i gang?
Er : Ha endlich. I han scho so lang druff gwardad.