Schwaben-Witze

Kühlung

"I hann mr geschdrn an ganz dolla Bierflaschakühlr kaufd, der häld a Flasch bis zu vier Schdonda kalt!"
"Ja supr, abbr brauchsch Du echd vier Schdonda fir oi Flasch Bier??"

Kurzschluss

Ein Bauer zum Tierarzt: "Herr Doggdr, was solle bloß do? Meine Kiah schbrengad äll bodd an Blafond!"
"No soddad Se hald endlich amol den Kurza an dr Melkmaschee repariera lassa!"

Kurzsichtig

"Jetz siehsch jo selbr, dass’e a Brill brauch!", hodd’s Bäuerle gsagd, als en d’Bäure mit dr Magd vrwischd hodd.

Küster

"Sag amol Bärbele, was schaffd Dei neir Freind eigendlich?"
"Der isch en dr Kirch agschdelld!"
"Kisdr?"
"Ond wia!"

Lagerung

Bei einer Weinprobe verschwindet plötzlich ein Mann. Man sucht ihn und findet ihn in Nebenraum auf dem Boden liegend.
"Isch Ihne schlechd worda, fehld Ihne was?" wird er gefragt.
"Noi, noi", meint dieser, "I hab me bloß noglegd, weil i vorher khörd han, dass mr dr Wei em liega lagra soll."

Lakonisch

"Geschdrn hane mein Vaddr per Woddsabb frogd, wo mei Geld bleibd!"
"Ond, was hodd g’andworded?"
"Hier!"

Langeweile

"Du, mir isch so granadalangweilig, was ko i denn bloß do?"
"Widrschbrich doch oifach Deinr Frau!"

Leberkäse

Ein Schwabe sitzt beim Vesper, als die Tochter Hand in Hand mit einem jungen Mann hereinstürmt.
Brummt er: "Wenn Ihr boide heirada wellad, wega mir, abbr wenn der a Schdiggle vo meim Leberkäs will, vergessads!"

Lehrer

Was ist der Unterschied zwischen Gott und einem Lehrer?
Gott woiß ällas, an Schualmoischdr woiß ällas bessr!

Leidensdauer

"Dengand Se no, mei Mo isch scho achd Däg noch onserer Hochzich gschorba!"
"No hodd’r jo net lang leida miassa!"