Den hold dr Deifl amol pfondweis   (Übersetzung hier)

HINWEIS: Die offizielle Datenschutzerklärung von schwaebisch-schwaetza.de finden Sie hier!


Dadaschuddzerklärong uff Schwäbisch


Irgendwelche Gscheidla moinad (nedd ganz z'orächd), i miassd Sia iebr ällas uffklära, was do uff meirar Hompädsch midd Ihre Dada bassierd ond welle Rechde Sia henn.

Der dohanna muass fir den ganza Dadaverarbaidungskladdaradaddsch sein Kobbf nohalda:


Peter-Michael Mangold
Johannes-Krämer-Str. 49
70597 Stuttgart
E-Mail  kontakt (at) schwaebisch-schwaetza.de
 

Den Schuddz Ihrer perseenlicha Dada nehm i saumäßig ernschd, grad au wenn Sia uff meirer Webseid rommsörfad. S'sammla ond s'nuddza von Dada bassierd ganz phäb noch Vorgaba vom Bundesdatenschutzgesetz (BDSG) ond vom Telemediengesetzes (TMG), sowia von der Datenschutz Grundverordnung (DSGVO).

Mei Wäbbseid ko mr au nuddza, ohne dass mr rausgriaga ko, wer Sia senn. Solldad doch amol uff meirer Wäbbseid Dada von Ihne abgfrogd wärda (Name, Anschrift, Telefonnr. oder Email-Adressen u. a.), no isch des freiwillig, Sia kennads also au bleiba lassa. Wenn Sia des nedd ausdrigglich genehmigd henn, griagd neamrds Ihre Dada. Ihne muass abbr au glar sei, dass dr Dadavrkehr em Indernedd ähnlich osichr isch, wia dr andere Vrkehr au! Vellige Sicherheid allr Dada vor irgendwelche Schäraschleifr isch schiergar omeeglich.


Mei Provider (www.all-inkl.com) schbeicherd audomadisch älle Dada, dia Ihr Browser beim Sörfa uff meine Seida weidrgibd. Des isch dr Browsertyp ond Browserversion, s'benuddzde Betriebssystem, dia URL (sprich au dia Adress on dera Seid, vo se vorher gwä senn, also dr Referrer), dr Hostname Ihres Rechners (IP Adresse), sowia die Uhrzeit der Serveranfrage. Des brauchad mr abbr ällas bloß fir interna, systembezogena und statistischa Lombagruschd. Dia Data, von dene oba dia Red isch, senn koine beschdimmde Leit zuordnbar, an Abgleich der Dada midd andere Quella wird uff gar koin Fall gmachd.

Dada, dia iebr des oba gsagde nausgangad ond äbbas iebr Sia aussaga dädad, werdad bloß no gsammld, wenn se mir dia freiwillig gäbad, also bei ra Ofrog. Solldad Se mir Dada iebr sich gäba, no nemm i dia bloß, omm Ihne andworda zomm kenna. Dridde griaga koine Dada ieber Sia, wenn Sia des nedd ausdrigglich wellad.

Sie kennad so a Eiwilligong jedrzeid zriggnehma. Wenn Sia des deand, no lesche Ihre Dada uff dr Schdell, aussr s'gäb an Grond, warom i des gar nedd derf.

Sie dirfad me jedrzeid froga, ob ond welle Dada i iebr Sia gschbeicherd hann, woher ond warom i dia Dada hann ond was'e drmidd dua. Aussrdem kennad Sia vrlanga, dass Ihre Dada korrigierd, gschberrd oddr gleschd wärdad. Wenn Sia Froga henn, no fendad Sia mei Adress em Impressum oddr abbr do oba uff der Seid.


Kommunikation über E-Mail
E-Mail schreiba isch sauschnell ond billig, abbr ko au osichr sei. Wenn Sia mir also a E-Mail schreibad, no benne so frei, Ihne au per E-Mail zomm andworda, andrnfalls miassad Se mr scho genau saga, wia i Ihne andworda sodd.

Google Web Fonts
Uff meira Webseid wärdad, damidds au guad aussiehd, Schrifdarda von Goggle (Web Fonts) gnuddzd. Ihr Browser hold sich dia Web Fonts en sein Browsercache, damiddr Tägschde ond Schrifda saubr ozeiga ko. Wenn Ihr Browser dia Web Fonts nedd ko, mo nemmd dr hald a Standardschrift von Ihrm Computer.
Weitere Informationen zu Google Web Fonts fendad Se do: https://developers.google.com/fonts/faq ond au no en dr Datenschutzerklärung von Google: https://www.google.com/policies/privacy/

Google Analytics
So an uffdringlichr Lombagruschd wird von derra Wäbseid gar nedd benuddzd.

 

SSL-Verschlüsselung
Damidd's sicherer isch ond nedd jedr Hurglr middlesa ko, wird a sogenannde SSL-Verschlüsselung gnomma. Des erkennad Se do dra, dass en Adresszeil von Ihrm Browser statt http://“ bledzzlich https://“ vorna da schdohd ond a Schlessles-Simbol ozeigd wird. Wenn so a SSL Verschlüsselung agdiv isch, no könnad Dada nemme von jedem Schlangafangr, der drvo a bissle a Ahnong hodd, middglesa werda..


Datenschutz und Webseiten Dritter
Dia Seid hodd au Links zua ond von andere Webseida. Wenn Sia uff so an Link gliggad, no muass Ihne glar sei, dass I nedd schuld benn, wenn dord an beesa Lombagruschd ozeigd wird, oddr oinr midd Ihre Dada Sauhondles duad. Bidde senn Se so guad, dass Se Dada do bloß iebermiddlad, wenn Se au sichr senn, dass dord koine Sauhond am Werg senn.


Widerspruch Werbe-E-Mails
D'Juschdiz will, dass i mein Oschrift ond wia Sia mi erreicha kennad enns Impressum neischreib. Des hoißd abbr nedd, dass mir no jedr Haipfler so an Werbegruschd zuaschigga derf. Des will i fai uff koin Fall, ond werd au zom Owald ganga, wenn mir so an saubleedr Werbescheißdregg zuagschiggd wird, vor ällem au so Spam-E-Mails, Spam-Briefe und Spam-Faxe. Bei Schäda an meine Nerva, an meim Fax oder meim Computer werd'e au no Schadaersaddz aiglaga.

Rechtswirksamkeit
Wenn, wiedr erwarda, an Doil oddr an oinzelner Saddz von derra Erglärong do nedd ganz hasarei isch oddr a bissle drnäba, no gild abbr emmer no dr Reschd.


Schwabentest

Wie gut ist Ihr Schwäbisch? Hier mein Schwäbischtest!


Schwäbisch schwätza

kann man wörtlich nehmen und im Lexikon alles anhören.

Schimpfomat
1000 Kombinationen an schwäbischem Schimpf finden Sie im Schimpfomat

Schwaben-Uhr
Alle Uhrzeiten
'uff Schwäbisch'


Schwäbisch schreiba

Infos zu meiner Umsetzung der Aussprache in Schriftform.

Wer isch'n der Seggl?

Impressum

Datenschutz


 

Startseite    |   Top    |   Impressum    |   Datenschutz